Причина повеќе да читате книги? Науката вели, подолго ќе живеете!

Според неодамнешно истражување на група научници на Универзитетот Yale,  луѓето што читаат книги, го намалуваат ризикот на смртност за цели 20% во период од 12 години, во сопредба со “нечитачите“.


Во истражувањето се вклучени 3,635 лица, поделени во три групи: лица што не читаат, лица што читаат до 3,5 часа неделно и лица што читаат повеќе од 3,5 часа неделно. Испитаниците се на возраст над 50 години.
$ads={1}
Резултатите се зачудувачки: луѓето што читаат книги повеќе од 3,5 часа неделно, живееле речиси 2 години подолго од оние што “книга не отвориле“.

Исходот на истражувањето кое произлегува од повеќе фактори, како што се нивото на образование, приходите, здравствената сосстојба и слично, е следен: исто како и здравиот начин на исхрана или вежбањето, читањето книги дава одредени предности за подолг и поквалитетен живот. Зошто или како, сè уште останува неразјаснето, но се претпоставува дека врската помеѓу читањето книги и продолжениот животен век не е случајна. Можеби се должи на фактот дека читањето книги ја стимулира активноста на мозокот и го развива чувството на емпатија.

Секако, “лошата” вест е дека претходно споменатото повеќе се однесува на читањето книги, а помалку на читање весници и списанија. Што и не мора да е “лоша” вест, имајќи ја во предвид селективноста на менталната структура на читателот, што е вредно (a што помалку вредно)  да се прочита.
$ads={2}
Па, да ја испочитуваме “ A chapter a day might keep the Grim Reaper away”.
Со задоволство Ви ги препорачувам  “Седумте сестри” од Лусинда Рајли. Серијалот се состои од 5 книги. Шестата се “крчка“. Започнува со приказната на Маја...


Татко – посвоител, мултимилијардер, посвојува шест бебиња (девојчиња)  од различни краеви на свтетот и ги именува по ѕвездите од констелацијата “Седумте сестри“. По смртта на таткото посвоител, неговиот адвокат врачува писмо на секоја ќерка (сега веќе возрасни жени) и траги за нивното потекло. Од нив зависи дали ќе го прифатат предизвикот и ќе ги отворат писмата и дали ќе тргнат во потрага по нивните биолошки семејства...
Секоја книга има двојна нарација и без оглед на прилично големиот број на страници, во ниеден момент не е здодевна и до самиот крај успева да го задржи вниманието на читателот.
Уживајте! 


Автор: Ивана Стелла

Живот и Стил

Портал за подобар, поздрав и посреќен живот💜💫

Следен Претходен