Миа Костова: „Никој од нас не е комплетно „здрав“ ама некои претеруваат“

Миа Костова - добро позната за македонска јавност по долгото работно искуство како водителка во естрадниот магазин Бекстејџ. Што значи мајчинството за неа, каков пријател е, цитат по кој се води, и многу други работи за Миа прочитајте во продолжение!👇

Фото: Instagram @miandrija

Живот и Стил: Како го почнуваш денот? Прва утринска здрава навика?

Миа: Денот го почнувам со споро расонување со инста за будење, и јас сум најнесоодветниот човек за здрава навика наутро. Не појадувам, не пијам сокови. Пијам кафе.

Живот и Стил: Како твојата омилена Сабота би изгледала?

Миа: Сабота? Откако ја работам работата што ја сакам, сабота ми е секој ден кој јас сакам да е сабота. Инаку, многу сакам денови кои течат споро, сакам кога чистам по дома цел ден за да пречекам друштво на вино и добра вечера на пример. 

Живот и Стил: Што најмногу мразиш кај луѓето?

Миа: Уфилманост, глумење лудило, правење нешто што не се, измислени перцепции за себе. Никој од нас не е комплетно „здрав“ ама некои претеруваат.

Живот и Стил: Што значи мајчинството за тебе?

Миа: Со еден збор? Сѐ! Со повеќе зборови: друга перцепција за себе, фрази како „не можам“ и „не сакам“ кои не постојат во речникот, гордост кон сам себе заради она што си го создала, полни гради заради секој негов успех и пофалба, топло на душата кога е среќен. 

Живот и Стил: Како пријателите те опишуваат?

Миа: Многу директна, искрена и преостра понекогаш, ама со сигурност знаат дека кај мене нема лицемерие, пожртвуван пријател, и можеби нескромно ама страшно забавна за дружба. :) 

Фото: Instagram @miandrija


Живот и Стил:
 Сподели некоја интересна занимација (хоби) до нашите чители – Што правиш во слободно време?

Миа: Искрено Инстаграм ми го одзема секој и слободен и помалку слободен момент. Знам да читам книга, знам да пишувам домашна со Андрија, знам да расчистувам ќошиња со накит или фиоки. Ама конкретно хоби немам.

Живот и Стил: Кога имаш лош ден што „те враќа во живот“?

Миа: Чаша вино во друштво на мои луѓе. 

Фото: Instagram @miandrija

Живот и Стил: Која е најљубезната личност која ја познаваш?

Миа: Другарка ми Илина. Љубезност и финоќа од која често превртувам очи. :) Ама ете љубезна до степен што не може да не ја сакаш на прва. 

Живот и Стил: Цитат по кој живееш?

Миа: Живеј како да ти е секој ден последен! 

Живот и Стил

Портал за подобар, поздрав и посреќен живот💜💫

Следен Претходен